Manipur Drone Attack : मणीपूरमध्ये कुकी ख्रिस्ती आतंकवाद्यांकडून सलग दुसर्‍या दिवशी ड्रोनद्वारे आक्रमण

इंफाळ (मणीपूर) – येथील सेजम चिरांग गावात कुकी ख्रिस्ती आतंकवाद्यांनी केलेल्या ड्रोन आक्रमणात एका महिलेसह ३ जण घायाळ झाले आहेत. २ दिवसांतील हे दुसरे ड्रोन आक्रमण आहे. येथील निवासी भागात ड्रोनमधून ३ बाँब टाकण्यात आले. ते घरांचे छत भेदून आत घुसून फुटले.

सेजम चिरांग गावात १ सप्टेंबरलाही ड्रोनद्वारे आक्रमण आणि गोळीबार करण्यात आला होता. यात २ जण ठार, तर ९ जण घायाळ झाले होते. ‘कुकी आतंकवाद्यांना म्यानमारकडून तांत्रिक साहाय्य आणि प्रशिक्षण मिळत आहे किंवा त्यांचा त्यात थेट सहभाग आहे’, अशी भीती व्यक्त केली जात आहे.