अखंड कृतज्ञ राहूनी घडो तव (परात्पर गुरु डॉ. आठवले यांची) चरणसेवा ।

साधकांची प्रज्ञा जागृत करणारे सच्चिदानंद परब्रह्म डॉ. आठवले !

‘एकदा मी ‘निर्गुण’ हा नामजप करत असतांना श्री गुरूंच्या कृपेने भावस्थिती अनुभवली आणि त्यांनीच ही कविता लिहूनही घेतली’, त्याबद्दल त्यांच्या चरणी कोटीशः कृतज्ञता !

सत्व-रज असे तव (टीप) सगुण रूप ।
गुणमय असूनही तू असे गुणातीत ।। १ ।।

नामानुसंधानातून तव सूक्ष्म रूप अनुभवाया देशी ।
नामातीत करूनी एकरूप करविसी अन् अद्वैत भाव विरविशी ।। २ ।।

कृपा तुझी होता, सर्व पापे हरती ।
शरण तुज जाता जीवन उद्धरसी ।। ३ ।।

अनन्य भक्ता मार्ग तू दाविसी ।
मायेतील ब्रह्म ओळखण्या, मायापती तू म्हणविसी ।। ४ ।।

द्वैतभावातूनी गुरुभक्ती अन् ईश्वरभक्ती शिकविसी ।
अद्वैतभावातूनी आत्मसाक्षात्कार तो घडविसी ।। ५ ।।

कसे ओळखू हे सारे । तव कृपेविण व्यर्थ आहे सारे ।। ६ ।।

कृपा करूनी ठेवा मज तव चरणांशी ।
होता अपराध मजकडून, क्षमा तू करसी ।। ७ ।।

अखंड कृतज्ञ राहूनी घडो तव चरणसेवा ।
तव प्राप्तीविण नको कशाचीही आस ।। ८ ।।

कृतज्ञता ! कृतज्ञता ! कृतज्ञता !’

टीप – तव : परात्पर गुरु डॉ. आठवले

– श्रीकृष्णसेवक,

श्री. प्रणव मणेरीकर (आध्यात्मिक पातळी ६५ टक्के, वय ४४ वर्षे), मथुरा सेवाकेंद्र (२३.३.२०२४)