‘सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन’ या ग्रंथांमध्ये पुष्कळ प्रमाणात चैतन्य असणे

संतांच्या छायाचित्रमय जीवनचरित्रविषयक ग्रंथांचे महत्त्व अधोरेखित करणारे महर्षि अध्यात्म विश्वविद्यालयाचे संशोधन !

‘सच्चिदानंद परब्रह्म डॉ. जयंत आठवले यांचा संपूर्ण जीवनपट उलगडणारे छायाचित्रमय जीवनदर्शन भाग १ ते ६ हे सर्व ग्रंथ अप्रतिम आहेत. हे ग्रंथ हातात धरून किंवा त्याकडे पाहून पुष्कळ चैतन्य जाणवते. हे ग्रंथ वाचतांना साधक भावविभोर होतात आणि भावविश्वात रममाण होतात. या ग्रंथांतील छायाचित्रे आणि लिखाण यांतून पुष्कळ प्रमाणात चैतन्य प्रक्षेपित होत असल्याची अनुभूती अनेकांनी घेतली आहे.

‘सच्चिदानंद परब्रह्म  डॉ. जयंत आठवले यांचे छायाचित्रमय जीवनदर्शन’ या ग्रंथांच्या संदर्भात महर्षि अध्यात्म विश्वविद्यालयाच्या वतीने ‘यू.ए.एस्. (युनिव्हर्सल ऑरा स्कॅनर)’ हे उपकरण आणि लोलक यांच्याद्वारे संशोधन करण्यात आले. ‘यू.ए.एस्.’ उपकरण आणि लोलक यांचा उपयोग करून वस्तू, वास्तू अन् व्यक्ती यांच्यातील नकारात्मक अन् सकारात्मक ऊर्जा मोजता येते. हे संशोधन पुढे दिले आहे.

१. ‘सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन’ या ग्रंथांमध्ये पुष्कळ प्रमाणात सकारात्मक ऊर्जा (चैतन्य) असणे

या चाचणीत ‘सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन’ भाग १ ते ६ या ग्रंथांच्या आणि तुलनेसाठी म्हणून समाजातील एका छायाचित्रमय ग्रंथाच्या ‘यू.ए.एस्.’ उपकरणाद्वारे चाचण्या करण्यात आल्या. या नोंदी पुढे दिल्या आहेत.

टीप – छायाचित्रमय जीवनदर्शन भाग १ ते ६ या ग्रंथांतील सकारात्मक ऊर्जेची प्रभावळ २३३७ मीटरपेक्षा अधिक आहे; पण ती अचूक मोजण्यासाठी चाचणीस्थळी जागा अपुरी पडली. त्यामुळे ती अचूक मोजण्यासाठी लोलकाचा उपयोग करण्यात आला.

टीप १ – ‘ऑरा स्कॅनर’ने १४० अंशाचा कोन केला. ‘ऑरा स्कॅनर’ने १८० अंशाचा कोन केला, तरच प्रभावळ मोजता येते.

वाचकांना सूचना : ‘यू.ए.एस्.’ उपकरणाची ओळख’

या लेखातील ‘यू.ए.एस्.’ उपकरणाची ओळख’, ‘उपकरणाद्वारे करावयाच्या चाचणीतील घटक आणि त्यांचे विवरण’, ‘घटकाची प्रभावळ मोजणे’, ‘परीक्षणाची पद्धत’ आणि ‘चाचणीमध्ये सारखेपणा येण्यासाठी घेतलेली दक्षता’ ही नेहमीची सूत्रे सनातन संस्थेच्या goo.gl/tBjGXa या लिंकवर दिली आहेत. या लिंकमधील काही अक्षरे कॅपिटल (Capital) आहेत.

वरील नोंदींतून पुढील सूत्रे लक्षात येतात –

अ. तुलनेसाठी घेतलेल्या समाजातील एका संतांच्या ग्रंथात अधिक प्रमाणात नकारात्मक ऊर्जा आणि अल्प प्रमाणात सकारात्मक ऊर्जा आहे.

आ. ‘सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन’ भाग १ ते ६ या ग्रंथांमध्ये नकारात्मक ऊर्जा काहीच नसून उत्तरोत्तर अधिक प्रमाणात सकारात्मक ऊर्जा आहे. या ग्रंथांच्या मुखपृष्ठांपेक्षा त्यांच्या मलपृष्ठांतील सकारात्मक ऊर्जेचे प्रमाण अधिक आहे आणि ग्रंथांच्या आतील पृष्ठांतील सकारात्मक ऊर्जेचे प्रमाण त्याहूनही अधिक आहे. हे वैशिष्ट्यपूर्ण आहे. याचे कारण हे की, ग्रंथांच्या मुखपृष्ठांतून सगुण, मलपृष्ठांतून सगुण-निर्गुण आणि ग्रंथांच्या आतील पृष्ठांतून निर्गुण-सगुण स्तरांवरील स्पंदने प्रक्षेपित होत आहेत. सगुण, सगुण-निर्गुण आणि निर्गुण-सगुण स्तरांवरील स्पंदने अधिकाधिक सूक्ष्म असल्याने अधिकाधिक प्रभावी आहेत.

२. सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन या ग्रंथांत पुष्कळ प्रमाणात चैतन्य असण्याचे कारण

एखाद्या ग्रंथातून प्रक्षेपित होणारी स्पंदने विविध घटकांवर अवलंबून असतात, उदा. ग्रंथ लिखाणाचा उद्देश, ग्रंथाचा विषय आणि त्याची मांडणी, ग्रंथाची भाषा अन् लिपी, लिखाणाचे व्याकरण आणि संकलन, लेखकाची आध्यात्मिक पातळी अन् त्याला आध्यात्मिक त्रास असणे किंवा नसणे, ग्रंथ-निर्मितीच्या संदर्भात विविध टप्प्यांवर केल्या जाणार्‍या कृती, उदा. मुद्रितशोधन, संरचना, मुखपृष्ठ अन् मलपृष्ठ यांची संकल्पना आणि त्यांवरील चित्रे अन् लिखाण इत्यादी. थोडक्यात हे सर्व घटक जेवढे सात्त्विक असतील तेवढे त्या ग्रंथातून सकारात्मक स्पंदने प्रक्षेपित होण्याचे प्रमाण अधिक असते. चाचण्यांतील नोंदींतून ‘सच्चिदानंद परब्रह्म डॉ. जयंत आठवले यांचे छायाचित्रमय जीवनदर्शन’ या ग्रंथांत किती मोठ्या प्रमाणावर चैतन्य (सकारात्मक ऊर्जा) कार्यरत आहे, हे लक्षात येते. या चैतन्यमय ग्रंथांचे वाचन करतांना साधक आणि वाचक यांचे मन अन् बुद्धी यांच्यावर पुष्कळ सकारात्मक परिणाम होतात, तसेच त्यांना त्यांच्या भावानुसार ग्रंथांच्या संदर्भात आध्यात्मिक अनुभूतीही येतात. परात्पर गुरु डॉ. जयंत आठवले यांचे छायाचित्रमय जीवनदर्शन ग्रंथ हे साधकांसाठी, तसेच पुढील अनेक पिढ्यांसाठी चैतन्याचा अखंड स्रोत आहे.’  (४.६.२०२४)

– सौ. मधुरा धनंजय कर्वे, महर्षि अध्यात्म विश्वविद्यालय, गोवा.

इ-मेल : [email protected]