मुंबईत २० बांगलादेशी घुसखोरांना ८ महिन्यांचा कारावास !

मुंबई – मुंबईत रहाणार्‍या २० बांगलादेशी घुसखोरांना किल्ला सत्र न्यायालयाने ८ महिन्यांचा कारावास आणि प्रत्येकी ४ सहस्र रुपये इतका दंड अशी शिक्षा दिली आहे. बोरिवली, नालासोपारा, विरार आणि पुणे येथून या सर्व बांगलादेशी घुसखोरांना अटक करण्यात आली आहे. नोव्हेंबर २०२३ मध्ये पोलिसांनी बोरिवली परिसरात ३ बांगलादेशींना अटक केली होती. त्यांच्याकडून मिळालेल्या माहितीवरून पोलिसांनी नालासोपारा, पुणे आणि विरार येथून अन्य १७ घुसखोरांना पकडले. बोरिवली पोलिसांनी हे बांगलादेशी घुसखोर असल्याचे पुरावे न्यायालयात सादर केले होते.