बृहस्पतिसम प्रतिभावान । ब्रह्मर्षि वसिष्ठ होते महान ।

आज १७.५.२०२४ या दिवशी वसिष्ठऋषि जयंती आहे. त्या निमित्ताने…

१७.५.२०२४ या दिवशी वसिष्ठऋषींची जयंती आहे. त्यानिमित्त त्यांच्या चरणी कोटी कोटी प्रणाम !

सुश्री (कु.) मधुरा भोसले यांना त्यांच्याविषयी स्फुरलेले काव्य येथे देत आहोत.

ब्रह्मर्षि वसिष्ठांनी केले होते आत्मज्ञानामृताचे पान ।
ते होते बृहस्पतिसम अत्यंत प्रतिभावान ।। १ ।।

श्रेष्ठ असे परम पावन ब्रह्मर्षि वसिष्ठांचे गोत्र ।
दैवीकृपेने त्यांना होते शंभर सुपुत्र ।। २ ।।

ते होते ऋषिपत्नी अरुंधतीचे पती करुणानिधान ।
ते होते ‘शक्ती’ ऋषींचे पिता महान ।। ३ ।।

त्यांच्याकडील ‘नंदिनी’ कामधेनू होती सर्वगुणसंपन्न ।
विश्वामित्रांच्या आक्रमणापासून तिने केले वसिष्ठांचे रक्षण ।। ४ ।।

ब्रह्मर्षि वसिष्ठांच्या मनात नसे हेवा किंवा मत्सर ।
म्हणूनी वसिष्ठ होते सप्तर्षींमध्ये अग्रेसर ।। ५ ।।

नाही कठोर, नाही गर्विष्ठ ।
अत्यंत विनम्र होते ब्रह्मर्षि वसिष्ठ ।। ६ ।।

ब्रह्मर्षि वसिष्ठांनी सप्तर्षींचे करूनी नेतृत्व ।
पूर्ण केले त्यांना दिलेले उत्तरदायित्व ।। ७ ।।

ते होते अत्यंत सज्जन आणि गुणवान ।
तसेच ते होते चारित्र्यसंपन्न अन् नीतीवान ।। ८ ।।

ब्रह्मर्षि वसिष्ठ होते ईक्श्वाकूवंशजांचे कुलगुरु ।
ते होते राजा दशरथाचे राजगुरु ।। ९ ।।

ब्रह्मर्षि वसिष्ठ श्रीविष्णूचे अवतार प्रभु श्रीरामाचे ज्ञानगुरु ।
ते होते जणू भक्ती आणि प्रीती यांचे कल्पतरू ।। १० ।।

ब्रह्मर्षि वसिष्ठ होते अखिल विश्वाचे विश्वगुरु ।
ते होते परमतपस्वी आणि परमज्ञानी परात्पर गुरु ।। ११ ।।

ब्रह्मर्षि वसिष्ठ होते ज्ञानाचे अनमोल मोती ।
त्यामुळे जंबुद्वीपात पसरली होती त्यांची कीर्ती ।। १२ ।।

ब्रह्मर्षि वसिष्ठ होते ‘योगवासिष्ठ’ या महान ग्रंथाचे रचनाकार ।
त्यामुळे त्यांचा सर्वत्र झाला जयजयकार ।। १३ ।।

सप्तर्षींचे आहे नक्षत्रांच्या पुण्यलोकात निवासस्थान ।
नक्षत्रलोकात वसिष्ठांसमवेत आहे अरुंधतीलाही मान ।। १४ ।।

वसिष्ठांच्या कुळात होते तपस्वी पराशरऋषि ।
आणि त्यांच्याच कुळात झाले महाज्ञानी व्यास महर्षि ।। १५ ।।

वैराग्य आणि परमज्ञान यांचे प्रतीक होते व्यासपुत्र शुकमुनी ।
राजा परीक्षिताला मोक्ष दिला श्रीमद्भागवताची कथा सांगूनी ।। १६ ।।

अशा महान वसिष्ठऋषींचे करून पुण्यस्मरण ।
कृतज्ञतेने वाहूया त्यांच्या श्रीचरणी हे काव्यसुमन ।। १७ ।।

– सुश्री (कु.) मधुरा भोसले (आध्यात्मिक पातळी ६५ टक्के, वय ४० वर्षे), सनातन आश्रम, रामनाथी, गोवा. (१८.४.२०२४)