शहडोल (मध्यप्रदेश) येथे बेकायदेशीरपणे होणारा वाळू उपसा रोखण्याचा प्रयत्न करणार्‍या पटवारीला ट्रॅक्टरखाली चिरडले !

(पटवारी म्हणजे महसूल विभागाचा लेखपाल)

शहडोल (मध्यप्रदेश) – येथील गोपालपूर भागात सोन नदीतून बेकायदेशीरित्या करण्यात येणार्‍या वाळू उपसा थांबवण्यास गेलेल्या पटवारीला ट्रॅक्टरखाली चिरडून ठार मारण्यात आल्याची घटना २५ नोव्हेंबरच्या रात्री घडली. या प्रकरणी पोलिसांनी आरोपीला अटक केली आहे. प्रसन्न सिंह बघेल असे या पटवारीचे नाव आहे. तहसीलदारांच्या आदेशानंतर ते त्यांच्या ३ सहकार्‍यांसमवेत सरकारी वाहनांतून येथे गस्त घालत असतांना त्यांना बेकायदेशीरित्या वाळू उपसा होत असल्याचे आढळून आले होते.