५ वर्षांच्या मुलीवर बलात्कार करून हत्या करणार्‍याला अशफाक आलम याला फाशीची शिक्षा

एर्नाकुलम् (केरळ) – येथील पॉक्सो न्यायालयाने बिहारमधील एका ५ वर्षांच्या मुलीवर बलात्कार करून तिची हत्या करणार्‍या अशफाक आलम याला फाशीची शिक्षा सुनावली. त्याच्याविरुद्ध एकूण १६ गुन्हे प्रविष्ट करण्यात आले होते. या सर्व गुन्ह्यांसाठी त्याला दोषी ठरण्यात आले आणि त्यांतील ५ गुन्ह्यांसाठी फाशीची शिक्षा सुनावली. मुलीवरील बलात्काराची घटना २८ जुलै २०२३ या दिवशी घडली होती. त्याने या मुलीला ज्यूस देण्याचे आमीष दाखवून तिचे अपहरण करून तिच्यावर बलात्कार केला आणि नंतर तिची हत्या करून तिचा मृतदेह एका पिशवीत बांधून कचराकुंडीत फेकला होता.