रात्री १० पर्यंतची समयमर्यादा संपल्यावरही फटाके वाजवले !

मुंबई – हवेची गुणवत्ता सुधारण्यासाठी मुंबई उच्च न्यायालयाने फटाके वाजवण्यासाठी केवळ रात्री ८ ते १० या वेळेची अनुमती दिली होती; मात्र नागरिकांनी रात्री १० वाजेनंतरही फटाके फोडले. काही ठिकाणी पहाटेपासूनच मोठ्या आवाजाचे आणि धुराचे फटाके फोडले गेले. परिणामी हवेचा दर्जा पुन्हा खालावला. बहुतेक ठिकाणी धुराचे साम्राज्य निर्माण झाले.

दिवाळीनिमित्त अनेक जण एकाचवेळी प्रवासासाठी बाहेर पडल्याने वाहतूककोंडी झाली होती. काही ठिकाणी रस्त्यात फटाके फोडले जात असल्याने वाहनांची गर्दी झाली. वाहन्यांच्या भोंग्यांमुळे ध्वनीप्रदूषणही वाढले.