इस्रायली महिलेवर सामूहिक बलात्कार, हत्या आणि स्तन कापून खेळण्याचा प्रकार !

हमासच्या आतंकवाद्यांचे पशूलाही लाजवेल असे कृत्य !

तेल अविव (इस्रायल) – ७ ऑक्टोबरला हमासच्या आतंकवाद्यांनी इस्रायली नागरिकांचा अमानुषपणे नरसंहार केल्याच्या अनेक घटना आता समोर येत आहेत. या आक्रमणात बचावलेल्या एका इस्रायली युवतीने तिच्यासमोर घडलेल्या एका हृदयद्रावक घटनेचे कथन केले आहे. तिने म्हटले की, हमासच्या आतंकवाद्यांनी एका महिलेवर सामूहिक बलात्कार केला. त्यानंतर तिच्या डोक्यात गोळी मारून तिची हत्या केली. त्यानंतर तिचे स्तन कापून त्यांच्यासमवेत ते खेळले.

१. या युवतीने पुढे सांगितले की, मी लपले होते. तेव्हा एकामागून एक आतंकवादी एका महिलेचा बलात्कार करत असल्याचे मी पाहिले. आतंकवाद्यांनी सैन्याचा गणवेश घातला होता.

२. या घटनेप्रमाणे अनेक इस्रायली महिलांवर अत्याचार केल्याच्या घटना इस्रायली सैन्याने समोर आणल्या आहेत. अत्याचार करून ठार मारलेल्या अनेक महिलांच्या शरिरावर अत्याचार केल्याच्या खुणा असल्याचे इस्रायली सैन्याच्या निदर्शनास आले होते.

३. हमासच्या २ सहस्रांहून अधिक आतंकवाद्यांनी ७ ऑक्टोबर या दिवशी केलेल्या आक्रमणात १ सहस्र ४०० हून अधिक इस्रायली लोकांची हत्या केली होती. या वेळी आतंकवाद्यांनी या घटनांचे व्हिडिओही बनवले आहेत.

४. इस्रायली सैन्य आणि पोलीस तब्बल ५० सहस्र व्हिडिओजचे अन्वेषण करत असून आतंकवाद्यांची ओळख पटवण्याचा प्रयत्न करत आहेत.