हिंदु मतपेढी सिद्ध व्‍हायला हवी ! – कालीचरण महाराज

सोलापूर – कालीचरण महाराज हे वर्ष २०२४ च्‍या लोकसभा निवडणुकीत धाराशिव लोकसभा मतदारसंघातून निवडणूक लढवतील, अशी चर्चा चालू आहे. याविषयी कालीचरण महाराजांना पत्रकारांनी विचारले असता ते म्‍हणाले, ‘‘मी धर्माच्‍या नावावर हिंदूंना एकत्रित आणण्‍याचे कार्य करत आहे. हिंदु धर्माविषयी श्रद्धा असलेले लोक आमदार किंवा खासदार झाले, तर नक्‍कीच हिंदु समाजाचा उद्धार होईल. त्‍यासाठी माझे प्रयत्न आहेत. आम्‍ही राजा बनणारे लोक नसून राजा बनवणारे आहोत. हिंदु मतपेढी (व्‍होट बँक) सिद्ध करणे हे आमचे काम आहे.’’ कालीचरण महाराज सोलापूर दौर्‍यावर असतांना ५ नोव्‍हेंबर या दिवशी त्‍यांनी पत्रकारांशी संवाद साधला.