रुग्णालयाची दुरवस्था पाहून विधानसभा अध्यक्षांनी अधिकार्‍यांना खडसावले !

मुंबई – विधानसभा अध्यक्ष राहुल नार्वेकर यांनी सेंट जॉर्जेस रुग्णालयाला अचानक भेट दिली. या वेळी रुग्णालयात काही ठिकाणी कुत्रे झोपलेले होते, तर कुठे वैद्यकीय कचरा तसाच उघड्यावर ठेवण्यात आलेला होता. रुग्णालयाची दुरवस्था पाहून संतप्त झालेल्या नार्वेकर यांनी अधिकार्‍यांना खडसावले, ‘‘हे रुग्णालय आहे कि मस्करी ? हे माणसांचे रुग्णालय आहे कि प्राण्यांचे रुग्णालय ?’’ नार्वेकर यांनी अचानक दिलेल्या भेटीमुळे अधिकारी आणि आधुनिक वैद्य यांची तारांबळ उडाली. नार्वेकर यांच्या प्रश्‍नांवर अधिकार्‍यांनी सारवासारव करण्याचा प्रयत्न केला.