मुसलमान समाज भूमी बळकावण्‍याचा प्रयत्न करत असल्‍याचा ग्रामस्‍थांचा आरोप

कोल्‍हापूर – कुंभोज (तालुका हातकणंगले) येथील भूमी ग्रामपंचायत कुंभोज यांच्‍या मालकीची आहे. गावात २५ सहस्र हिंदु नागरिक रहात असून ही जागा वापरण्‍यासाठी न मिळाल्‍याने सध्‍या बाजार रस्‍त्‍यावर भरवावा लागत आहे. ही भूमी मुसलमान समाज बळकावण्‍याचा प्रयत्न करत असल्‍याचा ग्रामस्‍थांचा आरोप आहे. कुंभोज येथील हिंदु समाजाची भूमी बाजार भरवण्‍यास तात्‍काळ मिळावी, यासाठी उपसरपंच अजित देवमुरे आणि ग्रामपंचायत सदस्‍य भरतेश्‍वर भोकरे यांनी जिल्‍हाधिकारी कार्यालयासमोर आमरण उपोषण चालू केले आहे. याला पाठिंबा देण्‍यासाठी ९ महिला ग्रामपंचायत सदस्‍या येथे उपस्‍थित होत्‍या.