वाघनखे भावी पिढीला शिवप्रतापाची प्रेरणा देतील ! – एकनाथ शिंदे, मुख्‍यमंत्री

शिवरायांनी वापरलेली वाघनखे आणण्‍याच्‍या सामंजस्‍य करारावर स्‍वाक्षरी !

मुंबई – छत्रपती शिवाजी महाराज यांसारखी दूरदृष्‍टी असलेला दुसरा राजा भारतात झाला नाही. शिवछत्रपतींची ही वाघनखे केवळ महाराष्‍ट्रच नव्‍हे, तर भारतातील समस्‍त शिवप्रेमींसाठी एकप्रकारे ‘शिवदर्शन’ ठरतील. ही वाघनखे भावी पिढीला शिवप्रतापाची प्रेरणा देतील, असे वक्‍तव्‍य मुख्‍यमंत्री एकनाथ शिंदे यांनी केले.

शिवछत्रपतींच्या राज्याभिषेकाच्या 350व्या वर्षानिमित्त वाघनखे भारतात आणण्याचा संकल्प राज्य सरकारने केला होता. त्यानुसार वाघनखे आणण्याचा सामंजस्य करार आज (ता. 4) झाला. या वेळी मुख्यमंत्री एकनाथ शिंदे दूरदृश्यप्रणालीद्वारे उपस्थित होते.सविस्तर वाचा https://t.co/dxPdHZCpta pic.twitter.com/RsgErf45Sl

— Sarkarnama (@SarkarnamaNews) October 4, 2023

छत्रपती शिवाजी महाराज यांनी वापरलेली वाघनखे ब्रिटनमधून भारतात आणण्‍याच्‍या सामंजस्‍य करारावर ३ ऑक्‍टोबर या दिवशी लंडन येथील ‘व्‍हिक्‍टोरिया अँड अलबर्ट म्‍युझियम’मध्‍ये स्‍वाक्षरी झाली. या वेळी सांस्‍कृतिक कार्यमंत्री सुधीर मुनगंटीवार, उद्योगमंत्री उदय सामंत, पुरातत्‍व विभागाचे संचालक तेजस गर्गे उपस्‍थित होते.