हिंदु एकता आंदोलनाच्‍या वतीने गणेशोत्‍सव मंडळांच्‍या स्‍वागतप्रसंगी ‘हिंदु राष्‍ट्र आक्षेप आणि खंडण’ ग्रंथ भेट !

कोल्‍हापूर – हिंदु एकता आंदोलनाच्‍या वतीने अनंतचतुर्दशी दिवशी विसर्जन मिरवणुकीत गणेशोत्‍सव मंडळाच्‍या स्‍वागतासाठी कक्ष उभारण्‍यात आला होता. या स्‍वागत कक्षावर मंडळातील अध्‍यक्ष, पदाधिकारी, कार्यकर्ते यांना शाळ, श्रीफळ आणि हिंदु जनजागृती समितीचा ‘हिंदु राष्‍ट्र आक्षेप आणि खंडण’ हा ग्रंथ भेट देण्‍यात आला. या वेळी हिंदु एकताचे जिल्‍हाध्‍यक्ष श्री. दीपक देसाई, शहराध्‍यक्ष श्री. गजानन तोडकर, उद्धव बाळासाहेब ठाकरे गटाचे करवीर तालुकाप्रमुख श्री. राजू यादव, सर्वश्री हिंदूराव शेळके, श्रीकांत पौंडकर, नंदकुमार आहिर, बबन लगारे, दिलीप सूर्यवंशी, वैभव जाधव, हिंदु जनजागृती समितीचे श्री. शिवानंद स्‍वामी उपस्‍थित होते.