कोल्‍हापूर – येथील गणेशोत्‍सवातील विसर्जन मिरवणुकीसाठी ‘मिरजकर तिकटी ते पंचगंगा नदी’ हा पारंपरिक मार्ग होता. कोरोना महामारीच्‍या काळात सर्व सार्वजनिक गणेशोत्‍सव मंडळांनी प्रशासनाला सहकार्य केले आणि इराणी खण, काळी खण येथे श्री गणेशमूर्तींचे विसर्जन केले. गेल्‍या वर्षापासून प्रशासनाने मिरजकर तिकटी ते गंगावेस हा नवा निवडणूक मार्ग घोषित केला. यामुळे मंडळांची गैरसोय होत आहे. तरी ज्‍यांनी शाडूच्‍या मूर्ती बसवल्‍या आहेत, त्‍यांना तसेच बुधवार पेठ-शुक्रवार पेठ येथील लहान मूर्ती बसवणार्‍या मंडळांसाठी ‘गंगावेस ते पंचगंगा नदी’, हा मिरवणूक मार्ग चालू करावा, अशी मागणी शिवसेनेचे उपजिल्‍हाप्रमुख श्री. किशोर घाटगे यांनी प्रसिद्धीपत्रकाद्वारे केली आहे.
श्री. घाटगे यांनी पत्रकात म्‍हटले आहे की, २१ फुटी किंवा त्‍यापेक्षा अधिक मोठ्या मूर्तींचे इराणी खणीत विसर्जन करावे. प्रशासनाने जनभावनेचा आदर करावा आणि त्‍याचसमवेत पंचगंगा घाटावर युद्धपातळीवर सुविधा उपलब्‍ध करून द्याव्‍यात.
दिवसभरातील घडामोडींवर एक दृष्टीक्षेप : दोंडाईचा (धुळे) येथे धर्मांधांकडून छत्रपतींच्या पुतळ्याची विटंबना; नंदुरबार येथे ईदच्या मिरवणुकीत धर्मांधांची दंगल !
बारव्हा (जिल्हा भंडारा) येथे विसर्जन मिरवणूक पहातांना छत कोसळल्याने ४० महिला घायाळ !
आळंदी (पुणे) येथे ७ सहस्र श्री गणेशमूर्तींचे संकलन
वारजे, कर्वेनगर (पुणे) येथे हौदामध्ये ४ सहस्र २३१ मूर्ती, ७३ लोखंडी टाक्यांमध्ये ३७ सहस्र ७५० मूर्तींचे विसर्जन !
छत्रपती शिवाजी महाराज कथेनिमित्त भव्य शोभायात्रा 
मिरवणुकीत नाचणार्या पोलीस कर्मचार्याचा हृदयविकाराच्या झटक्याने मृत्यू !