पाकिस्तानमध्ये शिखांना ठार मारण्याची धर्मांध मुसलमानांची धमकी !

रावळपिंडी (पाकिस्तान) – लवकरच हजरो, हसनाबाद, तक्षशिला, रावळपिंडी आणि इस्लामाबाद येथे शिखांचा वंशसंहार केला जाईल. पाकिस्तान हा शीख देश नाही, तर मुसलमान देश आहे, अशी धमकी एका शीख व्यक्तीला अज्ञातांनी पत्रक देऊन केल्याची घटना समोर आहे. राम सिंह नावाच्या या शीख व्यक्तीने याविषयी पोलिसांत तक्रार केली आहे. तक्षशिला येथे जात असतांना दुचाकीवरून आलेल्या दोघा जणांनी राम सिंह यांच्याकडे हे पत्रक फेकले होते. राम सिंह यांनी शिखांना संरक्षण देण्याची मागणी केली आहे.