नवे-पारगाव (जिल्‍हा कोल्‍हापूर) – ‘येणार्‍या आपत्‍काळात आधुनिक वैद्य आणि औषधे उपलब्‍ध होतीलच असे नाही’, असे विविध द्रष्‍ट्या संतांनी सांगितले आहे. अशा आपत्‍काळात रुग्‍णाच्‍या वेदना आणि आजार न्‍यून करण्‍यासाठी बिंदूदाबन शिकून घेणे आवश्‍यक आहे, यासाठी सनातन संस्‍थेच्‍या वतीने नवे पारगाव येथे ३ दिवसांचे निवासी ‘बिंदूदाबन उपचार शिबिर’ घेण्‍यात आले. याचा लाभ अनेक साधक शिबिरार्थी आणि रुग्‍ण यांनी घेतला. या शिबिराला सनातनच्‍या संत पू. डॉ. (श्रीमती) शरदिनी कोरे यांची वंदनीय उपस्‍थिती सर्व दिवस लाभली. या वेळी सनातनचे साधक आणि निसर्गोपचार तज्ञ डॉ. दीपक जोशी यांनी शिबिरार्थींना चेहरा, डोके, कान आणि पाठ यांवरील बिंदूदाबनाच्‍या पद्धती, शरिरातील वात काढण्‍याची प्रक्रिया शिकवली. पाठीच्‍या मणक्‍याचे आणि गुडघ्‍याचे आजार असणार्‍या रुग्‍णांची पडताळणी करण्‍यात आली. काही औषधे घरीच कशी सिद्ध करावी ? याविषयी मार्गदर्शन करण्‍यात आले.
थोडक्यात महत्त्वाचे !
शिर्डीतील पुणतांबा येथे महादेव मंदिरात मूर्तीची विटंबना !
बांगलादेशातील हिंदूंवरील अत्याचाराच्या विरोधात सकल हिंदु समाजाचा कळंबोली (पनवेल) येथे विशाल मोर्चा !
समृद्धी द्रुतगती महामार्गावर डिझेल चोरीच्या घटनांत वाढ !
मंदिरांवर अन्याय होऊ देणार नाही ! – मंत्री भरतशेठ गोगावले
थोडक्यात महत्त्वाचे