‘वॅगनर आर्मी’चे प्रमुख येवगेनी प्रिगोझिन यांचा विमान अपघातात मृत्यू !

पुतिन यांच्या विरोधात केले होते बंड !
मला आश्‍चर्य वाटले नाही ! – अमेरिकेचे राष्ट्राध्यक्ष जो बायडेन

‘वॅग्नर’ समुहाचे प्रमुख येवगेनी प्रिगोझिन व रशियाचे राष्ट्राध्यक्ष व्लादिमीर पुतिन

मॉस्को – रशिया-युक्रेन युद्धाच्या विषयावरून रशियाचे राष्ट्राध्यक्ष व्लादिमीर पुतिन यांच्या विरोधात बंड करणारे रशियातील ‘वॅगनर आर्मी’ या खासगी सैन्याचे प्रमुख येवगेनी प्रिगोझिन यांचा विमान अपघातात मृत्यू झाल्याचे वृत्त आहे. २४ ऑगस्टला मॉस्कोहून सेंट पीटर्सबर्गला जाणारे त्यांचे खासगी जेट विमान कुझेनकिनो गावाजवळ कोसळले. या अपघातात प्रिगोझिनसह ११ जण ठार झाल्याचे सांगण्यात येत आहे. या अपघातामागचे कारण अद्याप स्पष्ट झालेले नाही.

पुतिन के खिलाफ बगावत करने वाले प्रिगोझिन की मौत… प्लेन क्रैश में गई वैगनर चीफ की जान…https://t.co/Pt06IT8RwI

— Sudarshan News (@SudarshanNewsTV) August 24, 2023

या अपघाताविषयी अमेरिकेचे राष्ट्राध्यक्ष जो बायडेन यांनी प्रतिक्रिया व्यक्त करतांना म्हटले की, मला खरोखर काय झाले ते ठाऊक नाही; परंतु मला या बातमीने अजिबात आश्‍चर्य वाटलेले नाही.