छत्रपती शिवाजी महाराजांविषयी अपशब्द काढणार्‍या चौघा मुसलमान मुलांना अटक !

रामनाथ (अलिबाग) – येथे एका खासगी शिकवणीवर्गातील काही मुसलमान अल्पवयीन मुलांनी छत्रपती शिवाजी महाराजांविषयी अपशब्द उच्चारले. त्यामुळे संतप्त झालेल्या शेकडो शिवप्रेमी तरुणांनी शिवाजी चौकात एकत्र येत छत्रपती शिवरायांच्या घोषणा दिल्या. या प्रकरणी ४ जणांविरुद्ध गुन्हे नोंदवण्यात आले असून त्यांना अटक करण्यात आली आहे. यामध्ये तीन अल्पवयीन मुलांचा समावेश आहे.

शिवरायांबद्दल अपशब्द उच्चारले, चौघांना अटक, तिघे अल्पवयीन, आलिबागमध्ये तणावपूर्ण शांतताhttps://t.co/YxJkpuJJQX#ShivajiMaharaj #Alibaug #Maharashtra

— Maharashtra Times (@mataonline) July 31, 2023

३१ जुलैला पोलीस अधीक्षकांनी शिवसेनेचे नेते सुरेंद्र म्हात्रे यांच्यासह काही प्रमुख व्यक्तींसमवेत बैठक घेतली. या वेळी पोलीस अधीक्षक कार्यालयासमोर असंख्य शिवप्रेमी जमले होते. लोकप्रतिनिधींच्या साहाय्याने वातावरण शांत करण्याचा प्रयत्न करण्यात आला. शेवटी अपर पोलीस अधीक्षक अतुल झेंडे यांनी बाहेर येऊन जमावाशी संवाद साधला. अपशब्द काढणार्‍यांच्या विरोधात कारवाई केली असून सहकार्य करण्याचे आवाहन त्यांनी केले.