हाशिमने हिंदु असल्याचे भासवून महिलेचा आजार बरा करण्याच्या नावाखाली अपहरण करून केला बलात्कार !

एटा (उत्तरप्रदेश) – जिल्ह्यातील जलेसर शहरात हाशिम नावाच्या एका हकीमने (चिकित्सकाने) हिंदु असल्याचे भासवत असाहाय्य हिंदु महिलेला औषध देण्याच्या नावाखाली स्वत:समवेत नेले. तिचे अपहरण करून नंतर तिच्यावर बलात्कार केला. नंतर वेगवेगळ्या ठिकाणी तिला बंधक बनवून त्याच्या सहकार्‍यांसह तिच्यावर सामूहिक बलात्कार केला. एके दिवशी त्याच्या कचाट्यातून सुटून पीडितेने न्यायालय गाठले. न्यायालयाच्या आदेशावर पोलिसांनी हाशिमसह २ अज्ञात लोकांच्या विरोधात गुन्हा नोंद केला आहे. हिंदु संघटनांनी या प्रकरणी हाशिमला अटक झाली नसल्यावरून अप्रसन्नता दर्शवली आहे.

एटा में हकीम हाशिम ने हिन्दू महिला का इलाज के नाम पर पहले खुद रेप किया फिर बंधक बनाकर दूसरों से गैंगरेप कराया।https://t.co/QymS9jwEIq

— ऑपइंडिया (@OpIndia_in) June 19, 2023

मूळची मुरादाबाद येथील कटघर क्षेत्रात रहाणारी ४१ वर्षीय पीडिता तिच्या मुलासह जलेसरमध्ये भाड्याच्या घरात रहात होती. तिला असलेल्या एका आजारावर औषधोपचार चालू होता. अन्य लोकांच्या माध्यमातून तिला हाशिमविषयी समजल्याने ती उपचारार्थ त्याच्याकडे गेली. तेव्हा त्याने काळ्या जादूच्या माध्यमातूनच तिला बरे करता येईल, असे भासवले आणि हिंदु असल्याचे सांगून तिला विश्‍वासात घेतले आणि नंतर तिच्यावर बलात्कार केला.