केंद्रीय गृहमंत्र्यांच्या हस्ते श्री महालक्ष्मीदेवी मंदिर परिसरातील विविध कामांचा शुभारंभ आज होणार !

कोल्हापूर – पश्चिम महाराष्ट्र विकास आराखड्यांतर्गत श्री महालक्ष्मी मंदिर परिसरातील नूतन प्रदक्षिणा मार्ग आणि परिवार देवता मंदिर संवर्धन कामकाजाचा शुभारंभ २० जून या दिवशी सकाळी केंद्रीय गृहमंत्री अमित शहा यांच्या हस्ते होणार आहे. महाराष्ट्र शासनाच्या पश्चिम महाराष्ट्र देवस्थान समिती आणि ‘करवीर निवासिनी श्री महालक्ष्मीदेवी विकास आराखड्या’च्या अंतर्गत हा विकास प्रकल्प राबवला जात आहे. नवीन प्रदक्षिणा मार्गामुळे भाविकांना मंदिर प्रदक्षिणा करतांना अधिक सुविधा, सुसज्जता आणि सुरक्षितता उपलब्ध होणार आहे.