पुणे येथे नदी तलावातील जलपर्णी काढण्यासाठी ४ वर्षांत ८ कोटी रुपये खर्च

पुणे – पुणे महापालिकेच्या सर्वसाधारण सभेत राष्ट्रवादी काँग्रेसचे नगरसेवक दत्तात्रय बहिरट यांनी जलपर्णीविषयी विचारलेल्या प्रश्नाला प्रशासनाने उत्तर देतांना सांगितले की, वर्ष २०२३-२४ पासून मुळा-मुठा नद्यांसह तलावातील जलपर्णी काढण्याचे काम हाती घेण्यात आले. गेल्या ४ वर्षांत १२ कामांतर्गत १२ कोटी ८८ लाख रुपये संमत करण्यात आले. त्यांपैकी ७ कोटी ९७ लाख रुपये ठेकेदाराला देण्यात आले आहेत.

नदी तलावातील जलपर्णी काढून दूरवर टाकणे अपेक्षित असतांना ती नदी किंवा तलावाच्या बाजूलाच टाकल्याने पावसाळ्यात ती परत पाण्यात वहात येते आणि वाढते. पूर्वगणनपत्रकापेक्षा ३०-४० टक्के दराने निविदा संमत केल्याने ठेकेदार पूर्ण क्षमतेने काम करत नाही. त्यामुळे जलपर्णी काढण्याच्या प्रक्रियेत पैशांचा अपव्यय होत आहे. (अभ्यासपूर्ण योजना न राबवणारे, तसेच महापालिकेच्या पैशांचा अपव्यय करणारे अधिकारी आणि कंत्राटदार यांवर कठोर कारवाई व्हावी ! – संपादक)