विवाहासाठी राशिदकडून दलित हिंदु मुलीचे अपहरण !

शामली (उत्तरप्रदेश) येथे ‘लव्ह जिहाद’मध्ये अडकलेल्या पीडितेच्या वडिलांचा आरोप

शामली (उत्तरप्रदेश) – येथून एका १९ वर्षीय दलित हिंदु मुलीचे राशिद नावाच्या मुसलमानाने अपहरण केल्याची घटना समोर आली आहे. पीडितेच्या वडिलांनी सांगितले की, त्यांची मुलगी बागपत येथे त्यांच्या नातेवाइकांकडे गेली होती. ११ जूनपासून ती गायब असून राशिद या शामली येथील मुसलमानानेच तिचे अपहरण केले आहे. पोलिसांत तक्रार प्रविष्ट केल्यामुळे १५ जूनच्या रात्री राशिदचे कुटुंबीय परवेझ, नदीम, शहजाद आणि नौशाद यांनी पीडितेच्या घरात घुसून त्यांना धमकावले की, ज्या प्रकारे मुलीला पळवले, तसेच त्यांच्या दुसर्‍या मुलीलाही पळवण्यात येईल. यासह मुलीच्या आईची हत्या करू.

UP: Protests in Shamli after Rashid, who has 1 Muslim and 3 Hindu wives, elopes with another Hindu girl, case registeredhttps://t.co/o96sFivfQg

— HinduPost (@hindupost) June 19, 2023

ही धमकी दिल्याच्या प्रकरणी परवेझ आणि शहजाद यांना अटक करण्यात आली आहे. दोन्ही प्रकरणी गुन्हा नोंदवून पुढील चौकशी करण्यात येत आहे. अशातच पीडितेच्या वडिलांनी मुसलमानांच्या भयापोटी पलायन करण्याचा संकेतही दिला आहे.