सनातन प्रभात > Post Type > बातम्या > राष्ट्रीय बातम्या > दुर्ग (छत्तीसगड) येथे हिंदूंचे धर्मांतर करू पहाणार्‍या ख्रिस्ती महिलांना हिंदु महिलांकडून चोप !

दुर्ग (छत्तीसगड) येथे हिंदूंचे धर्मांतर करू पहाणार्‍या ख्रिस्ती महिलांना हिंदु महिलांकडून चोप !

दुर्ग (छत्तीसगड) – दोन हिंदु महिलांचे धर्मांतर करू पहाणार्‍या ख्रिस्ती महिलांना येथील धर्मप्रेमी हिंदु महिलांनी चोप दिला. दुर्ग जिल्ह्यातील उरला गावात चित्रलेखा साहू नामक महिलेच्या घरी एका प्रार्थना सभेचे आयोजन करण्यात आले होते. त्या वेळी तेथे एक ख्रिस्ती महिला आणि युवती दोन हिंदु महिलांना आमीष दाखवून ख्रिस्ती धर्म स्वीकारण्यास प्रोत्साहित करत होत्या. ही घटना स्थानिक हिंदु महिलांना कळताच त्यांनी घटनास्थळी धाव घेऊन दोघा ख्रिस्ती महिलांना चोप दिला.

पोलिसांनी दोन्ही बाजूच्या महिलांना पोलीस ठाण्यात नेले. तेव्हा दोन्ही बाजूंच्या महिलांना एकमेकींविरुद्ध तक्रार न करता समेट घडवून आणला.

संपादकीय भूमिका

‘हिंदूंवरील आघातांविरुद्ध पोलीस काहीच करत नसल्याचा परिणाम आहे’, असे कुणाला वाटल्यास त्यात चूक काय ?

नूतन लेख