मुंबईत दुचाकीवर धोकादायक ‘स्टंट’ करणार्‍या धर्मांधाला अटक !

२ तरुणींवर गुन्हे नोंद !

मुंबई – मुंबईत २ तरुणींसमवेत दुचाकीवर ‘स्टंट’ (धोकादायक कृत्य) करणारा फैय्याज अहमद आजीमुल्ला कादरी (वय २४ वर्षे) याला पोलिसांनी अटक केली आहे. तसेच त्याच्यासह २ तरुणींवरही गुन्हा नोंद करण्यात आला आहे. त्या तिघांनी १३ सेकंदाचा स्टंटचा व्हिडिओ प्रसारित केला होता. धर्मांध फैय्याज वाहतुकीचे नियम मोडून वाहन चालवत होता. त्याच्यावर यापूर्वीही अँटॉप हिल, वडाळा टीटी पोलीस ठाणे येथे गुन्हे नोंद आहेत. यापूर्वी त्याला तडीपारही करण्यात आले होते.

 असा केला ‘स्टंट’ !

या व्हिडिओमध्ये एका दुचाकीवर एक तरुण आणि दोन तरुणी बसलेले दिसून येत आहे. मुलाच्या समोर एक, तर त्याच्या मागे एक तरुणी बसलेली असून पुढील चाक उचलत त्याने काही मीटरपर्यंत गाडी चालवली आहे. या वेळी मुली हसतांना आणि हातवारे करतांना दिसून येत आहेत. तिघांनीही शिरस्त्राण घातलेले नाही.