अमेरिकेतील चक्रीवादळात आतापर्यंत २१ जणांचा मृत्यू

चक्रीवादळामुळे असंख्य लोकांची घरे उद्ध्वस्त

वॉशिंग्टन – अमेरिकेच्या दक्षिण-मध्य आणि पूर्व या भागांत झालेल्या चक्रीवादळात आतापर्यंत २१ जणांचा मृत्यू झाला. ३१ मार्च आणि १ एप्रिल या दिवशी हे चक्रीवादळ आले होते.

या चक्रीवादळामुळे असंख्य लोकांची घरे उद्ध्वस्त झाली. अनुमाने ६ लाखांहून अधिक घरांमधील विद्युत पुरवठा खंडित झाला. लोकांच्या वाहनांची मोठ्या प्रमाणात हानी झाली, तसेच रस्त्यांवर मोठमोठे वृक्ष उन्मळून पडले.