मुंबई – ज्येष्ठ निरुपणकार पद्मश्री आप्पासाहेब धर्माधिकारी यांना राज्‍यशासनाकडून ‘महाराष्ट्र भूषण’ हा राज्‍याचा सर्वोच्‍च पुरस्कार घोषित करण्‍यात आला आहे. आप्पासाहेब धर्माधिकारी यांच्‍या अध्‍यात्‍म, समाजप्रबोधन, अंधश्रद्धा निर्मूलन यांविषयी उल्लेखनीय कार्याविषयी त्‍यांना या पुरस्‍काराने गौरवण्‍यात येणार आहे.
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी रेवदंडा येथील त्यांच्या निवासस्थानी जाऊन याविषयी त्‍यांची भेट देऊन सन्मान केला.
ज्येष्ठ समाजसेवक, थोर निरुपणकार डॉ.श्री.दत्तात्रेय तथा आप्पासाहेब धर्माधिकारी यांना यंदाचा #महाराष्ट्र_भूषण पुरस्कार जाहीर झाला. रेवदंडा येथील त्यांच्या निवासस्थानी उपस्थित राहून मी व उपमुख्यमंत्री @Dev_Fadnavis यांनी ही बातमी देत शाल,श्रीफळ व पुष्पहार देऊन त्यांचा सन्मान केला. pic.twitter.com/AWxLPoPpsP
— Eknath Shinde – एकनाथ शिंदे (@mieknathshinde) February 8, 2023
पद्मश्री आप्पासाहेब धर्माधिकारी दासबोध आणि श्री सद़्‍गुरु चरित्र यांच्‍या माध्‍यमातून समाज घडवण्‍याचे कार्य करत आहेत. वडील नानासाहेब धर्माधिकारी यांच्‍याकडून अध्‍यात्‍मप्रसार आणि सामाजिक कार्य यांचा वसा आप्पासाहेब चालवत आहेत. वर्ष २००८ मध्‍ये तत्‍कालीन शासनाने नानासाहेब धर्माधिकारी यांना मरणोत्तर ‘महाराष्ट्र भूषण’ पुरस्‍काराने गौरवले होते. या वेळी खारघर येथे ४० लाखांहून अधिक भाविक उपस्थित होते. या गर्दीच्‍या उच्‍चांकाची वर्ष २०१० मध्‍ये ‘लिम्‍का बुक ऑफ रेकॉर्डस्’मध्‍ये नोंद झाली आहे. मागील ८० वर्षे या घराण्‍याकडून अध्‍यात्‍म आणि समाजकार्य यांची सांगड घालून लोकोत्तर कार्य चालू आहे. वृक्षारोपण आणि त्‍यांचे संवर्धन, रक्‍तदान शिबिरे, स्‍वच्‍छता अभियान, विहिरींतील गाळ काढणे आदी विविध समाजकार्य आप्पासाहेब धर्माधिकारी यांच्‍या मार्गदर्शनाखाली चालू आहे.
वांद्रे-कुर्ला भूमीगत मेट्रो स्थानकात आग !
मराठीला अभिजात भाषेचा दर्जा न देणार्या महाविकास आघाडीच्या राजकारणापासून सावध रहावे ! – नरेंद्र मोदी
‘हिंदु राष्ट्र समन्वय समिती’च्या माध्‍यमातून हिंदु राष्ट्र स्थापण्यासाठी जनआंदोलन उभारण्याचा करण्‍यात आला संकल्प !
श्रद्धा वालकर हत्याकांडातील आरोपी आफताबला लक्ष्य करण्याचा बिष्णोई टोळीचा कट
कौशांबी (उत्तरप्रदेश) येथील मदरशात तरुणीवर अनेकदा बलात्कार
Trump On Russia-Ukraine War : रशिया-युक्रेन युद्ध थांबलेच पाहिजे ! – डॉनल्ड ट्रम्प