आसाममध्ये बजरंग दलाच्या १६ वर्षांच्या कार्यकर्त्याची मुसलमानांकडून हत्या !

मारेकर्‍यांपैकी अमीनुल हक याला अटक !

करीमगंज (आसाम) – येथे शंभू कोइरी या १६ वर्षांच्या बजरंग दलाच्या कार्यकर्त्याची हत्या करण्यात आली. या घटनेनंतर येथे तणावाची स्थिती निर्माण झाली आहे. ८ जानेवारी या दिवशी शंभू हा बजरंग दलाच्या प्रशिक्षण वर्गातून घरी परतत असतांना त्यांच्यावर लोवैरपुआ या भागात मारेकर्‍यांकडून प्राणघातक शस्त्रांद्वारे आक्रमण करून त्यांची हत्या करण्यात आली.

शंभू हा याच भागात रहाणारा होता. या घटनेनंतर स्थानिक हिंदूंनी आरोपींना अटक करण्यासाठी निदर्शने केली, तसेच बाजारीछेरा पोलीस ठाण्याला घेराव घातला. यामुळे या भागात कलम १४४ (जमावबंदी) लागू करण्यात आले. या प्रकरणी पोलिसांनी अमीनुल हक याला अटक केली आहे.