माँटीनीग्रो देशात झालेल्या गोळीबारात ११ जण ठार

पॉडगॉरिका (माँटीनीग्रो) – कौटुंबिक वादामुळे झालेल्या गोळीबारात पूर्व युरोपातील माँटीनीग्रो देशात असलेल्या सेटिंजे येथे ११ जण ठार झाले, तर ६ जण घायाळ झाले. सरकारी अधिकार्‍यांनी दिलेल्या माहितीनुसार बंदुकधार्‍याने केलेल्या गोळीबारात एकाच कुटुंबातील ३ जण ठार झाले, तर त्या वेळी तेथून चाललेल्या ८ पादचार्‍यांचाही या आक्रमणात मृत्यू झाला.

३४ वर्षीय बंदुकधार्‍याला एका नागरिकाने गोळीबार करून ठार मारल्यावर हा प्रकार थांबला. पंतप्रधान द्रिटॅन अ‍ॅबेझोविक यांनी या घटनेविषयी तीन दिवस शोक प्रकट करण्याचे घोषित केले आहे.