उत्तरप्रदेशमध्ये पोलीस उपनिरीक्षक वसी अहमद याने हिंदु मुलीवर केला ३ वर्षे बलात्कार

उत्तरप्रदेशमध्ये ‘लव्ह जिहाद’चे आणखी एक प्रकरण उघड !

लक्ष्मणपुरी – उत्तरप्रदेशच्या गोंडा जिल्ह्यात पोलीस उपनिरीक्षक वसी अहमद याने ‘रिंकू शुक्ला’ हे बनावट हिंदु नाव धारण करून एका हिंदु मुलीला प्रेमाच्या जाळ्यात ओढले आणि सलग ३ वर्षे तिच्यावर बलात्कार केला. पीडित मुलीने आरोपीला विवाह करण्याविषयी सांगितले असता त्याने टाळाटाळ केली. काही दिवसांनी पीडित मुलीला त्याचे खरे नाव वसी अहमद असल्याचे कळले.

पीडितेने केलेल्या तक्रारीनंतर वसी अहमद याच्या विरोधात गुन्हा नोंदवण्यात आला आहे. पीडितेने तक्रारीत, ‘माझे आणि वसी अहमद याचे वर्ष २०१९ पासून संबंध होते. विवाह करण्याचे खोटे वचन देऊन त्याने माझ्यावर सतत बलात्कार केला. ‘बहिणीच्या लग्नानंतर आमचे दोघांचेही लग्न होईल’, असे वचन तो नेहमी देत असत. एकदा मी त्याला दुसर्‍या महिलेसोबत फिरतांना पकडले. काही दिवसांनी तो मुसलमान असल्याचे मला कळले.’