काश्मीरला भारतापासून तोडण्याची भूमिका मांडणारे ब्रिटीश राजकारणी जेरेमी कॉर्बिन यांची राहुल गांधी यांनी घेतली भेट !

लंडन (इंग्लंड) – ब्रिटन येथील ‘लेबर पार्टी’चे माजी खासदार आणि कट्टर भारत अन् हिंदु द्वेष्टे जेरेमी कॉर्बिन यांची काँग्रेसचे नेते राहुल गांधी यांनी भेट घेतली. यामुळे गांधी यांना मोठ्या प्रमाणात विरोध होत आहे. भाजपचे नेते कपिल मिश्रा यांनी गांधी यांच्या भेटीचा निषेध करत ‘काश्मीरला भारतापासून विलग करण्याची भूमिका उघडपणे मांडणाऱ्या कॉर्बिन यांना राहुल गांधी का भेटले ?’, असा प्रश्न उपस्थित करणारे ट्वीट केले आहे.

‘लेबर पार्टी’ने नेहमीच कॉर्बिन यांच्या काश्मीरसंदर्भातील भूमिकेपासून स्वत:ला दूर ठेवले आहे. भाजपचे नेते आणि वैज्ञानिक विजय चौथाईवाले यांनीही गांधी यांच्या भेटीचा निषेध केला आहे.