‘मोदी सरकारने मुसलमानविरोधी भावना भडकावणे थांबवावे !’

कॅनडातील शीख नेत्याचा जळफळाट !

ओटावा (कॅनडा) – भारतातील मुसलमान समाजाविरुद्ध हिंसाचाराच्या घटना, तसेच अशा घटनांची छायाचित्रे आणि व्हिडिओ पाहून फार चिंता वाटू लागली आहे. मला भारतातील त्या परिस्थितीची फार काळजी वाटत आहे. मोदी सरकारने मुसलमानविरोधी भावना भडकवण्याचे थांबवून मानवी हक्कांचे संरक्षण केले पाहिजे, अशी टीका कॅनडातील न्यू डेमोक्रेटिक पक्षाचे नेते जगमीत सिंह यांनी ट्वीट करून केली. ‘सर्वत्र शांततेच्या दिशेने काम करण्यासाठी कॅनडाने भक्कम भूमिका बजावली पाहिजे’, असे सिंह यांनी त्यांच्या ट्वीटमध्ये म्हटले आहे.

I am deeply concerned about images, videos, and targeted threats of violence against the Muslim community in India.

The Modi govt must stop stoking anti-Muslim sentiment.

Human rights must be protected.

Canada must play a strong role in working towards peace everywhere.

— Jagmeet Singh (@theJagmeetSingh) April 13, 2022

अमेरिकेनेही केले होते भारतविरोधी विधान !

जगमीत सिंह यांच्यापूर्वी अमेरिकेचे परराष्ट्रमंत्री अँटनी ब्लिंकन यांनीही भारतविषयी विधान केले होते. ते म्हणाले होते, ‘भारतातील मानवी हक्कांचे उल्लंघन होणार्‍या घटनांवर आम्ही लक्ष ठेवून असतो. भारतासमवेत यासंदर्भात नियमितपणे, तसेच सातत्याने चर्चा करत असतो. भारतातील काही राज्य सरकार, पोलीस आणि कारागृह प्रशासन यांच्याकडून होणार्‍या मानवाधिकाराच्या उल्लंघनाच्या घटनांवरही आमचे लक्ष आहे.’ या विधानावर भारतानेही प्रतिक्रिया व्यक्त करतांना ‘भारतालाही अन्य देशांच्या संदर्भात अशी विधाने करण्याचा अधिकार आहे’, अशा शब्दांत बजावले होते.