डॉ. वीरेंद्रसिंह तावडे, सचिन अंधुरे आणि समीर गायकवाड यांना दोषमुक्त करण्यासाठी न्यायालयात आवेदन प्रविष्ट ! – अधिवक्ता वीरेंद्र इचलकरंजीकर

कॉ. गोविंद पानसरे हत्या प्रकरण

कोल्हापूर, १८ फेब्रुवारी (वार्ता.) – कॉ. गोविंद पानसरे हत्या प्रकरणात सरकार पक्षाच्या वतीने संशयित म्हणून अटक करण्यात आलेल्या संशयित आरोपींपैकी डॉ. वीरेंद्रसिंह तावडे, श्री. सचिन अंधुरे आणि श्री. समीर गायकवाड यांना दोषमुक्त करण्यासाठी आम्ही न्यायालयात आवेदन सादर केले आहे. याचसमवेत ‘आरोप निश्चितीच्या आधी सरकार पक्षाकडून आम्हाला काही कागदपत्रे आणि काही ‘इलेक्ट्रॉनिक पुरावा’ मिळालेला नाही’, तसेच ‘अन्य ज्या गोष्टी सरकारी पक्षाच्या वतीने देण्यात आलेल्या नाहीत, त्या आम्हाला मिळाव्यात’, असे आवेदन आम्ही १८ फेब्रुवारी या दिवशी न्यायालयात प्रविष्ट केले आहे, अशी माहिती अधिवक्ता वीरेंद्र इचलकरंजीकर यांनी पत्रकारांना दिली. कॉ. गोविंद पानसरे प्रकरणाची सुनावणी जिल्हा आणि सत्र न्यायाधीश बी.डी. शेळके यांच्यासमोर चालू असून पुढील सुनावणी २ मार्च या दिवशी होणार आहे.