हे दुर्गामाते, आता तरी घे धाव झडकरी ।

हिंदु राष्ट्र स्थापनेचा कालावधी पुढे सरकणार हे मला मे २०२१ मध्ये प्रकर्षाने जाणवले. तेव्हा श्री दुर्गादेवीला माझ्याकडून पुढीलप्रमाणे आळवले गेले.

घे धाव झडकरी ।
हे माते, आता तरी हो प्रकट अन् तार आम्हा या संसारी ।। धृ ।।

वाजव आता शंख, दुंदुभू दे नभांगी ।
तो क्षण पकड झडकरी ।
कडकडू दे वीज वरचे वरी ।। १ ।।

त्रिभुवनाची एकवटू दे शक्ती सारी ।
उमटू दे क्षणात ललकारी ।
ये माते, धाव घे भूवर सत्वरी ।। २ ।।

सरली आता कवाडे सारी ।
दुर्जनतेचे फुटले पेव, गर्जती दिशा चारी ।। ३ ।।

आम्ही झालो हीन दीन, आम्हा कोण तारी ? ।
सार्‍यांना केवळ तूच गे आधार ।
आलोे तुझ्या दारी ।। ४ ।।

सृष्टीचे चैतन्य तूच नित्य गे आकारी ।
जरी माझे शब्द ते विकारी ।
माते, उमटू दे स्वर ते, तुझ्या ममतेच्या पदरी ।। ५ ।।

श्री दुर्गामाते, तुझ्यावीण आम्हा कोण उद्धारी ।
माते, आता तरी घे धाव झडकरी ।। ६।।’

– श्री. मुकुंद ओझरकर, नाशिक (२५.१२.२०२१)