कथन करते श्री गुरुगाथा !

पनवेल (रायगड) येथील सौ. प्रेमलता मोने यांनी श्रीगुरूंविषयी केलेले काव्य देत आहोत.

श्री गुरुचरणी ठेवूनिया माथा ।
आरंभ करते श्री गुरुगाथा ।। १ ।।

काय वर्णू ‘गुरुकृपायोग’ असे न्यारा ।
सनातनरूपात वसे श्री गुरुराया (टीप १) ।। २ ।।

योगियांचा राजा माझे गुरुराया ।
सनातनरूपी माझे श्री गुरुराया ।। ३ ।।

सकल जनांचा उद्धार कराया ।
भूवरी अवतरले गुरुरूपी रामराया ।। ४ ।।

रक्षण्या आम्हा साधक जीवांना ।
उद्धरी योगीराज सकल सृष्टीला ।। ५ ।।

गुरु पादुका माझ्या अंतरात राही ।
परि माझी माऊली रामनाथीत (टीप २) राही ।। ६ ।।

श्री गुरुचरणी ठेवूनिया माथा ।
कथन करिली श्री गुरुगाथा ।। ७ ।।

क्षमायाचना करते तुझिया चरणी ।
ठेवूनिया माथा श्री गुरुचरणी, सद्गुरुचरणी ।। ८।।

टीप १ : श्री गुरुराया – परात्पर गुरु डॉ. आठवले

टीप २ : सनातनच्या रामनाथी, गोवा येथील आश्रमात

– सौ. प्रेमलता नीलेश मोने, पनवेल, रायगड. (१८.८.२०२१)