विशेष तज्ञ असल्याचा दावा केल्याच्या प्रकरणी डॉक्टरला ५० सहस्र रुपयांचा दंड आणि ३ मास निलंबन

विजयवाडा (आंध्रप्रदेश) – राज्यातील एका एम्.बी.बी.एस्. डॉक्टरला तो विशेष तज्ञ नसतांना त्याने तसा दावा केल्याने त्याला ‘आंध्रप्रदेश मेडिकल कौन्सिल’ने ५० सहस्र रुपयांचा दंड ठोठावला ,तसेच ३ मासांसाठी निलंबित केलेे. हा डॉक्टर ‘नेफ्रोलॉजी’ (मूत्रपिंडाशी संबंधित) या क्षेत्रात तज्ञ असल्याचा दावा करत होता. रुग्णालयाच्या फलकावरील त्याच्या नावासमोर तसे नमूदही करण्यात आले होते.