केंद्रीय मंत्री नितीन गडकरी यांच्या त्यागपत्रासाठी राष्ट्रवादी काँग्रेसच्या कार्यकर्त्यांचा गोंधळ !

नागपूर येथील उड्डाणपूल अपघात प्रकरण

नागपूर – शहरातील भंडारा मार्गावरील कळमना ते पारडी भागाला जोडणार्‍या उड्डाणपुलाचा काही भाग १९ ऑक्टोबर या रात्री कोसळून अपघात झाला होता. त्या भागात काम बंद असल्याने दुर्घटना टळली. राष्ट्रीय महामार्ग प्राधिकरणाने चौकशी समिती गठीत करण्याची घोषणा केली आहे. ‘हा पूल म्हणजे भ्रष्टाचाराचा उत्तम नमुना आहे’, असा आरोप करत राष्ट्रवादी काँग्रेस पक्षाच्या कार्यकर्त्यांनी राष्ट्रीय महामार्ग प्राधिकरणाच्या कार्यालयाबाहेर आंदोलन करून गोंधळ घातला.