दरांग (आसाम) येथे अतिक्रमणावरील कारवाईच्या वेळी सहस्रो सशस्त्र धर्मांधांकडून पोलिसांवर आक्रमण

दरांग (आसाम) – दरांग जिल्ह्यातील धौलपूर येथे अतिक्रमणांवर कारवाई करण्यासाठी गेलेले अतिक्रमणविरोधी पथक आणि पोलीस यांच्यावर सहस्रो धर्मांध आंदोलनकर्त्यांनी आक्रमण केले. या वेळी पोलिसांनी संरक्षणासाठी केलेल्या गोळीबारात सद्दाम हुसेन आणि शेख फरीद यांचा मृत्यू झाला. या हिंसाचारामध्ये ९ पोलीस घायाळ झाले. यांतील काही जणांची प्रकृती चिंताजनक आहे. पोलीस उपनिरीक्षक मोनिरुद्दीन हे गंभीररित्या घायाळ झाले आहेत. आक्रमण करणार्‍यांपैकी अनेक जण सशस्त्र होते. अतिक्रमणामुळे बेघर झालेल्या ८०० कुटुंबांनी त्यांचे पुनर्वसन करण्यासाठी आंदोलन चालू केले होते. तेव्हा आंदोलकांनी पोलिसांवर दगडफेक चालू केली. त्या वेळी पोलिसांनी गोळीबार केला.

असम के दरांग जिले में अतिक्रमण हटाने को लेकर एकबार फिर बड़ा बवाल हुआ है। करीब 800 परिवारों के पुनर्वास को लेकर हुए प्रदर्शन के दौरान पुलिस फायरिंग में दो लोगों के मारे जाने की खबर है।https://t.co/caLKHMBwp0

— ऑपइंडिया (@OpIndia_in) September 24, 2021

पोलिसांनी स्वसंरक्षणार्थ गोळीबार केला ! – मुख्यमंत्री हिमंत बिस्व सरमा

या घटनेविषयी राज्याचे मुख्यमंत्री हिमंत बिस्व सरमा म्हणाले की, पोलिसांनी स्वसंरक्षणार्थ गोळीबार केला. यात दोघांचा मृत्यू झाला, तर एक पोलीस अधिकारी गंभीररित्या घायाळ झाला.

अतिक्रमण हटवण्याचे काम चालू राहील ! – पोलीस अधीक्षक

दरांगचे पोलीस अधीक्षक सुशांत बिस्व सरमा यांनी सांगितले की, सशस्त्र आंदोलनकर्त्यांनी धारदार शस्त्रे आणि दगड यांद्वारे पोलिसांवर आक्रमण केले. त्यामुळेच पोलिसांना स्वसंरक्षणार्थ गोळीबार करावा लागला. ही घटना घडली असली, तरी अतिक्रमण हटवण्याचे काम चालूच राहील. आतापर्यंत ६०२ हेक्टर (अनुमाने १ सहस्र ४८७ एकर) भूमीवरील अतिक्रमणे हटवून भूमी मोकळी करण्यात आली आहे.

राहुल गांधी यांच्याकडून टीका

या घटनेविषयी काँग्रेसचे खासदार राहुल गांधी यांनी ट्वीट करून म्हटले आहे की, जाणूनबुजून घडवलेल्या घटनेमध्ये आसाम सध्या होरपळत आहे. मी आसाममधील बंधू-भगिनींच्या पाठीशी आहे. (अतिक्रमण करणार्‍या धर्मांधांच्या पाठीशी असणारी काँग्रेस आणि गांधी परिवार यांच्यामुळेच आज देशात धर्मांधांची अतिक्रमणे झाली अन् वाढली आहेत ! – संपादक)

३० सहस्र एकर भूमीवर अतिक्रमण

सूत्रांनी दिलेल्या माहितीनुसार, येथील ३० सहस्र एकर भूमीवर अतिक्रमण झाले आहे. (इतक्या मोठ्या प्रमाणात अतिक्रमण होईपर्यंत आतापर्यंतचे शासनकर्ते आणि पोलीस झोपले होते का ? – संपादक) येथे ५ सहस्र वर्षांपूर्वीचे प्राचीन शिवमंदिर आणि गुफा आहे. अतिक्रमण करणारे बहुसंख्य धर्मांध आहेत. सरकारने प्रशासनाला ही भूमी अतिक्रमणमुक्त करण्याचा आदेश दिल्यावर येथे कारवाई करण्यात आली. ‘सरकारने अतिक्रमण हटवतांना पुनर्वसन करण्याचे आश्वासन दिले होते’, असे धर्मांधांचे म्हणणे आहे.