नक्षलवादाविषयीच्या बैठकीसाठी मुख्यमंत्री उद्धव ठाकरे देहली येथे जाणार !

मुंबई – केंद्रीय गृहमंत्रालयाने बोलावलेल्या नक्षलग्रस्त राज्यांतील मुख्यमंत्र्यांच्या बैठकीला उपस्थित रहाण्यासाठी मुख्यमंत्री उद्धव ठाकरे २६ सप्टेंबर या दिवशी देहली येथे दौर्‍यावर जाणार आहेत. नक्षलवादी चळवळ आता दुर्गम भागातून शहरांकडेही वळत असल्याच्या पार्श्वभूमीवर केंद्रीय गृहमंत्री अमित शहा यांनी ही बैठक बोलावली आहे. बैठकीला जाण्याची सिद्धता म्हणून मुख्यमंत्री उद्धव ठाकरे यांनी २० सप्टेंबर या दिवशी राज्यातील नक्षलवादी कारवाया आणि नक्षलवादी भागांतील विकासकामांची सद्य:स्थिती अन् रखडलेली कामे यांचा आढावा घेतला.