‘लव्ह जिहाद’च्या माध्यमातून हिंदु स्त्रियांना भ्रष्ट करण्याचे जागतिक षड्यंत्र ! – मनोज खाडये, हिंदु जनजागृती समिती

हिंदु जनजागृती समितीच्या वतीने युवक आणि युवती यांच्यासाठी ‘ऑनलाईन’ व्याख्यानाचे आयोजन

कोल्हापूर – हिंदु स्त्रियांना भ्रष्ट करणे, त्यांचे धर्मांतर करणे हे महाभयानक जागतिक षड्यंत्र ‘लव्ह जिहाद’च्या माध्यमातून चालू आहे. ‘लव्ह जिहाद’च्या माध्यमातून हिंदु मुली, युवती आणि महिला यांचे आयुष्य उद्ध्वस्त होत आहे. ‘लव्ह जिहाद’च्या माध्यमातून अनेक अपत्ये जन्माला घालणे चालू आहे. हीच अपत्ये मोठी होऊन आत्मघातकी पथकांमध्ये सहभागी होऊन देशविघातक कृत्ये घडवून आणतात, असे प्रतिपादन हिंदु जनजागृती समितीचे पश्चिम महाराष्ट्र, कोकण, गोवा आणि गुजरात राज्य समन्वयक श्री. मनोज खाडये यांनी केले. २४ ऑगस्ट या दिवशी हिंदु जनजागृती समितीच्या वतीने आयोजित ‘लव्ह जिहाद – एक भीषण समस्या आणि त्यावरील उपाय’ या विषयावर ‘ऑनलाईन’ व्याख्यानात ते बोलत होते. याचा लाभ कोल्हापूरमधील ४५० हून अधिक धर्माभिमानी युवक आणि युवती यांनी घेतला. व्याख्यानाचे सूत्रसंचालन आणि आभार प्रदर्शन कु. मानसी दहिवडकर यांनी केले, तर श्री. वैभव पावसकर यांनी उद्देश स्पष्ट केला.

क्षणचित्र : व्याख्यानानंतर युवक आणि युवती यांनी ‘आमच्या अन्य भगिनींसाठी असेच व्याख्यान आयोजित करा. आम्ही तुमच्या उपक्रमामध्ये सहभागी होऊ’, असे कळवले.