उशीर होण्यापूर्वी आम्हाला अफगाणिस्तानमधून सुरक्षित बाहेर काढा !

अफगाणिस्तानातील हिंदू आणि शीख यांचे तालिबानच्या भीतीमुळे आवाहन !

भारत सरकारने या हिंदू आणि शीख यांना साहाय्य करून भारतात आणण्याचा अन् त्यांना सर्व सुविधा पुरवण्याचा तात्काळ प्रयत्न केला पाहिजे !

नवी देहली – अफगाणिस्तानमध्ये तालिबानच्या भीतीमुळे हिंदू आणि शीख यांनी ‘उशीर होण्यापूर्वी आम्हाला सुरक्षितपणे बाहेर काढा’, असे कळकळीचे आवाहन जगाला केले आहे.

Help us before it’s too late: Afghan Sikhs, Hindus https://t.co/GRqKGGOuwt

— TOI Cities (@TOICitiesNews) July 21, 2021

काबुलमधील गुरुद्वारा ‘कर्ता परवान’चे अध्यक्ष गुरनाम सिंह यांनी म्हटले, ‘आम्ही सुमारे दीडशे हिंदू आणि शीख काबुलमध्ये रहात आहेत. आता आम्ही सुरक्षित आहोत; पण आम्ही किती काळ सुरक्षित रहाणार हे कुणालाही ठाऊक नाही.’ आर्थिक सुरक्षितता नसल्याने या पीडित हिंदू आणि शीख यांची भारतात जाण्याची इच्छा नाही.