पुणे येथील ६१ टक्के आध्यात्मिक पातळीची सनातनची युवासाधिका कु. आर्या महावीर श्रीश्रीमाळ ‘टिमवि’च्या संस्कृत परीक्षेत महाराष्ट्रात सर्वप्रथम !

पुणे – येथील ६१ टक्के आध्यात्मिक पातळीची सनातनची युवासाधिका कु. आर्या महावीर श्रीश्रीमाळ हिने फेब्रुवारी २०२० मध्ये घेण्यात आलेल्या टिळक महाराष्ट्र विद्यापिठाच्या (‘टिमवि’ची) ‘संस्कृत भाषा परिचय: तृतीय कुसुमम्’ या परीक्षेत १०० पैकी ९७ गुण मिळवून महाराष्ट्रात प्रथम क्रमांक प्राप्त केला आहे.

या यशाविषयी कु. आर्या हिला चषक आणि प्रमाणपत्र देऊन गौरवण्यात आले आहे. तिला मार्गदर्शन केल्याविषयी तिची शिक्षिका सौ. श्रद्धा कुलकर्णी यांना प्रमाणपत्र बहाल करण्यात आले आहे.

कु. आर्या ही पुणे येथील अहिल्यादेवी हायस्कूलमध्ये शिकत असून तिने इयत्ता ९ वीच्या वार्षिक परीक्षेतही १०० टक्के गुण प्राप्त केले आहेत.