बुधगावला (जिल्हा सांगली) प्रतिदिन ५०० कोरोना प्रतिबंधक लसींचे डोस उपलब्ध व्हावेत ! – शिवसेनेच्या वतीने आरोग्य अधिकारी यांना निवेदन

बुधगाव (जिल्हा सांगली) – बुधगावची लोकसंख्या ३० ते ३५ सहस्र असतांना बुधगावला केवळ ५० ते १०० लसींचे डोस उपलब्ध होतात. यामुळे नागरिकांना चार-चार दिवस रांगेत उभे रहावे लागते, तसेच नागरिकांची ससेहोलपटही होत आहे. तरी बुधगावला (जिल्हा सांगली) प्रतिदिन ५०० कोरोना प्रतिबंधक लसींचे डोस उपलब्ध व्हावेत, या मागणीचे आरोग्य राज्यमंत्र्यांच्या नावे असलेले निवेदन शिवसेनेच्या वतीने आरोग्य अधिकारी डॉ. मिलिंद पोरे यांना देण्यात आले. या वेळी शहरप्रमुख सतीश खांबे, तालुकाप्रमुख गजानन मोरे, तंटामुक्ती उपाध्यक्ष रामदास पाटील, माजी शहरप्रमुख सतीश मस्के उपस्थित होते.