पुणे, १२ जून – तोरणा गडावरील तटबंदीच्या संवर्धन कार्यातील ३ फुटांचा काही भाग तसेच कोकण दरवाजा येथील भिंतीच्या काही भागास उपद्रवी पर्यटकांकडून हानी पोहोचवण्यात आली होती. याची नोंद घेऊन वेल्हा पोलीस ठाण्यामध्ये गुन्हाही नोंद करण्यात आला होता. या प्रकरणाची तातडीने नोंद घेऊन पुरातत्व खात्याने भर पावसात गडावरील तटबंदी दुरुस्त केली होती. त्यामुळे तोरणा गडासह इतर राज्य संरक्षित स्मारकांवर यापुढे कुणालाही मुक्काम करता येणार नसल्याचे पुरातत्व विभागाने स्पष्ट केले आहे. तसा फलकही गडांच्या दर्शनी भागात लावण्यात येणार आहे. वन विभागालाही कारवाईच्या सूचना देण्यात आल्या आहेत.
गेल्या काही वर्षांमध्ये गडभ्रमंती आणि मुक्कामी जाणार्‍यांचे प्रमाण वाढले आहे. त्यातच उपद्रवी पर्यटकांचा वावरही गडांवर वाढला आहे. गडांवर जाण्यासाठी अनेक वाटा असल्याने तसेच पुरातत्व विभाग आणि वन विभाग यांच्याकडे मनुष्यबळाची कमतरता असल्याने सरसकट सगळ्या वाटांवर लक्ष ठेवणे कठीण आहे. गडांवरील अपघात आणि उपद्रवाच्या घटना वाढल्याचे चित्र दळणवळण बंदीपूर्वी वाढले होते.
पुरातत्व विभागाचे साहाय्यक संचालक विलास वाहणे यांनी सांगितले की, सायंकाळी तोरणा गडाचे महाद्वार आणि कोकण दरवाजा कुलूपबंद करण्यात येणार आहे. तशा सूचना गडाचे पहारेकरी बापू साबळे यांना देण्यात आल्या आहेत.
राज्यातील सर्वच स्मारकांवर मुक्कामबंदी करावी आणि तो धुडकावणार्‍यांवर त्वरित कारवाई व्हावी, अशी मागणी भोर येथील रायरेश्‍वर प्रतिष्ठानचे अध्यक्ष तसेच दुर्ग संवर्धन समितीचे सदस्य राजू शेळके यांनी केली आहे.
येरवडा (पुणे) येथे बंदीवानांच्या हालचालींवर बारीक लक्ष ठेवण्यासाठी होणार अत्याधुनिक तंत्रज्ञान प्रणालीचा वापर !
कसाईमुक्त जनावरांच्या बाजारासाठी मिलिंद एकबोटे यांची आमरण उपोषणाची चेतावणी !
‘सनबर्न’ महोत्सवात ध्वनीप्रदूषणाचे नियम मोडल्यास कारवाई करण्याचे दायित्व पोलिसांचे ! – गोवा राज्य प्रदूषण नियंत्रण मंडळ
गोव्यात ‘सन, सी अँड सँड’ ऐवजी आध्यात्मिक आणि मंदिर संस्कृती यांना प्रोत्साहन दिले ! – मुख्यमंत्री डॉ. प्रमोद सावंत
मुंबईत ८०, तर नागपूर येथे २५ महिला देहव्यापार करतांना आढळल्या !
आचरा येथील समुद्रात अवैधरित्या मासेमारी करणार्या कर्नाटक येथील नौकेवर कारवाई !