विरार येथे रुग्णाच्या नातेवाइकांकडून आधुनिक वैद्यांवर आक्रमण, गुन्हा प्रविष्ट

ठाणे, २३ मे (वार्ता.) – विरार पूर्व भागातील बालाजी रुग्णालयातील आधुनिक वैद्यांवर रुग्णाच्या नातेवाइकांनी आक्रमण केल्याची घटना घडली आहे. आर्.टी.पी.सी.आर्. चाचणी करतांना महिला रुग्णाच्या नाकात नळी तुटल्याने नाकातून रक्तस्त्राव झाल्याचा आरोप रुग्णाच्या नातेवाइकांनी केला आहे.

रुग्णाच्या नातेवाइकांनी आधुनिक वैद्यांना शिवीगाळ करून आक्रमण केल्याप्रकरणी विरार पोलीस ठाण्यात आधुनिक वैद्य श्रीराम अय्यर यांनी गुन्हा नोंद केला आहे. या प्रकरणी पुढील अन्वेषण  विरार पोलीस करत आहेत.