सातारा जिल्ह्यातील कनिष्ठ अभियंत्यास लाच स्वीकारतांना रंगेहात पकडले

सातारा, १३ मे (वार्ता.) – शेतीपंपासाठी नवीन वीज जोडणी देण्यासाठी एका शेतकर्‍याला पाच सहस्र रुपयांची लाच मागणार्‍या वीज वितरणच्या कनिष्ठ अभियंत्याला लाचलुचपत प्रतिबंधक विभागाने रंगेहात पकडले. राहुल सोनवले असे या कनिष्ठ अभियंत्याचे नाव असून ते ओगलेवाडीचे रहिवासी आहेत. त्यांच्याविरुद्ध गुन्हा नोंद करण्यात आला आहे.

राहुल सोनवले हे कराड तालुक्यातील वाठार येथील वीज वितरण कार्यालयात कामाला आहेत. सध्या शेतकर्‍यांना नवीन वीज जोडण्या देणे चालू आहे.