वाडा (जिल्हा पालघर) तालुक्यातील लाचखोर बालविकास प्रकल्प अधिकार्‍याला अटक !

अशा लाचखोरांवर कठोर कारवाई करून त्यांची सर्व संपत्ती जप्त करायला हवी !

ठाणे, ३० एप्रिल (वार्ता.) – वाडा तालुक्यातील डाहे गावातील अंगणवाडी केंद्रात काम करणार्‍या एका मदतनीस महिलेला कामावर कायमस्वरूपी करण्यासाठी बालविकास प्रकल्प अधिकारी गोरक्ष खोसे यांनी २१ सहस्र रुपयांची लाच मागितली होती. या महिलेने पालघर लाचलुचपत प्रतिबंधक विभागाकडे तक्रार केली होती. तक्रारदार महिलेकडून तडजोडीअंती ठरलेली १५ सहस्र रुपयांची लाच घेतांना खोसे यांना सापळा रचून अटक करण्यात आली आहे.