रेठरे बुद्रुक (जिल्हा सातारा) येथील रुग्णाचा मृत्यू लसीमुळे नव्हे, तर उच्च रक्तदाबामुळे 

जिल्हा शल्य चिकित्सक यांचा निर्वाळा

सातारा, १७ एप्रिल (वार्ता.) – १६ एप्रिल या दिवशी कराड तालुक्यातील रेठरे बुद्रुक येथील संपत राजाराम जाधव यांना कोरोना प्रतिबंधक कोविशिल्ड लस देण्यात आली होती. १० मिनिटानंतर त्यांना चक्कर आली. नंतर उपचारासाठी मलकापूर येथील कृष्णा रुग्णालयात नेत असतांना वाटेतच त्यांचा मृत्यू झाला होता. जाधव यांच्या मृतदेहाचे शवविच्छेदन झाल्यानंतर उच्च रक्तदाबामुळे त्यांचा मृत्यू झाल्याचे स्पष्ट झाले आहे, अशी माहिती जिल्हा शल्य चिकित्सक सुभाष चव्हाण यांनी दिली.