श्रीनगर (जम्मू-काश्मीर) – पाकिस्तानी आतंकवाद्यांना आश्रय देणारा आणि साहाय्य करणारा महंमद रफिक नाईक याला पोलिसांनी जम्मू-काश्मीरमधील किश्तवाड जिल्ह्यातील छात्रू (छातरू) येथून अटक केली. आरोपी महंमद हा कलासोई भागातील एका मशिदीत मौलवी (इस्लामचा धार्मिक नेता) म्हणून काम करत होता. तो ‘जैश-ए-महंमद’ आणि ‘लष्कर-ए-तोयबा’चा कमांडर सैफुल्ला याच्या नेतृत्वाखालील ‘सैफुल्ला ग्रुप’चे काम हाताळत होता.
१. किश्तवाडचे वरिष्ठ पोलीस अधीक्षक नरेश सिंह यांनी सांगितले की, आरोपी महंमद रफिक नाईक याने पाकिस्तानी आतंकवादी कमांडर सैफुल्ला आणि त्याच्या साथीदारांना सुरक्षित आश्रय, अन्न, आवश्यक सामान आणि आपापसांतील समन्वय, यांसाठी साहाय्य पुरवले होते.
२. या मौलवीच्या साहाय्यामुळेच आतंकवादी जवळपास २ वर्षे छात्रूच्या जंगलात लपून राहिले. सुरक्षादलांनी नंतर एक मोठी मोहीम राबवून सैफुल्ला आणि त्याच्या गटातील ७ आतंकवाद्यांना चकमकीत ठार मारले.
३. रफिक नाईकच्या अटकेपूर्वी पोलिसांनी याच प्रकरणात मुनीर अहमद आणि मश्कूर अहमद यांनाही अटक केली होती. त्यांच्यावर आतंकवादी गटाला रसद आणि दळणवळण यांवषयीचे साहाय्य केल्याचा आरोप होता.
काँग्रेस देशात अराजकता निर्माण करण्याचा प्रयत्न करत आहे ! – अमित साटम, प्रदेशाध्यक्ष, भाजप, मुंबई
काश्मीरमध्ये जिहादी आतंकवादी आणि भारतीय सैनिक यांच्यात चकमक : एका सैनिकाला वीरमरण
‘कॉकरोच जनता पक्षा’च्या समर्थनार्थ मुंबईत काँग्रेसचे आंदोलन !
श्रीराममंदिरात दानाची चोरी होणे, ही समाजाच्या नैतिक अधःपतनाची परिसीमा ! – न्यायमूर्ती अतुल श्रीधरन्, अलाहाबाद उच्च न्यायालय
संसदेत विरोधी पक्षांकडून गदारोळ : दोन्ही सभागृहांचे कामकाज काही घंट्यांसाठी स्थगित
लाठीमाराचे व्हिडिओ पहायला आमच्याकडे वेळ नाही !