श्रीकांत अनिल शिर्के ‘नवोदित शाहीर प्रेरणा’ पुरस्काराचे मानकरी !

पुणे, १ एप्रिल (वार्ता.) – नारगोलकर कुटुंबीय आणि महाराष्ट्र शाहीर परिषद आयोजित शिवतृतीया महोत्सवात देण्यात येणारा महाराष्ट्रातील ‘नवोदित शाहीर प्रेरणा’ पुरस्कार सोहळा निवडक निमंत्रितांच्या उपस्थितीत पार पडला. श्री. श्रीकांत अनिल शिर्के हे पुरस्काराचे मानकरी ठरले असून त्यांना मानपत्र, स्मृतीचिन्ह, रोख रक्कम आणि स्वातंत्र्यवीर सावरकर यांचे लॅमिनेशन केलेले छायाचित्र प्रदान करण्यात आले. शिवभूमीवर भविष्यकाळात शाहिरी परंपरेची मनोभावे सेवा घडावी, यासाठी स्वातंत्र्यवीर सावरकर यांच्या विचारांचे निस्सीम उपासक स्वर्गीय शाहीर जयराम गंगाधर नारगोलकर स्मृती ‘नवोदित शाहीर प्रेरणा’ पुरस्कार देऊन शिवतृतीया महोत्सवाच्या पूर्वसंध्येला त्यांना गौरवण्यात आले.